हुम्लाबाट नेपालगञ्जको जहाज टिकट पाउनै मुस्किल

काठमाडौं । हुम्लाका नागरिकहरू जहाजको टिकट खरिदका लागि रातभर लाइन बस्न थालेका छन् ।  दशैं तिहार नजिकिएसँगै जिल्लाबाट बाहिर जान टिकट नपाउँदा  नेपाल वायु सेवा निगमको जहाज टिकटका लागि राति २ बजेदेखि लाइन बस्न बाध्य छन् ।

राष्ट्रिय सडक सञ्जालको पहुँच नपुगेको कारण निगमको जहाज नै प्रयोग गर्नुपरेको र  निगमले पनि जहाज उडान कम गरेपछि हुम्लाबाट नेपालगन्ज आउन यात्रुलाई  सास्ती भएको हो। निजी एयरलाइन्स समिटले दैनिक एक रदुई उडान मात्रै भर्ने गरेको छ।

निजी एयरलाइन्स सीता,ताराले नियमित उडान नभरेपछि चाडबाडको बेलामा जिल्लाबाट बाहिरिने यात्रुहरूलाई थप समस्या परेको छ ।