मध्य भोटेकोसीको ५ करोड कित्ता सेयरको ‘लकइन पिरियड’ शनिबारदेखि सकिँदै

काठमाडौं । मध्य भोटेकोसी जलविद्युत् कम्पनीको ५ करोड कित्ता भन्दा धेरै सेयरको लकइन पिरियड शनिबारदेखि सकिने भएको छ । सेयर जारी भएको तीन वर्षमा यस्तो अवधि सकिने व्यवस्था अनुसार शनिबारदेखि सो बराबरको सेयर दोस्रो बजारमा कारोबार गर्न योग्य हुन लागेको हो ।

यसरी लकइन पिरियड सकिन लागेको सेयरमध्ये संस्थापक सेयरधनीको ३ करोड ६ लाख कित्ता, कर्मचारी सञ्चय कोषका सञ्चयकर्ताहरूको १ करोड १७ लाख कित्ता, संस्थापक सेयरधनी संस्थाका कर्मचारीहरूको २१ लाख कित्ता, ऋणदाता संस्थाका कर्मचारीहरूको ६ लाख कित्ता, आयोजना प्रभावित स्थानीयवासीको ६० लाख कित्ता तथा कम्पनीका कर्मचारीहरूको ३ लाख ६० हजार कित्ता सेयर रहेको छ ।

बजारमा उक्त कम्पनीको सेयरको अन्तिम कारोबार प्रतिकित्ता ३३३ रुपैयाँको दरले भएको छ ।