धान नकाट्न नगर प्रहरीको माइकिङ

काठमाडौैं । जल तथा मौसम विज्ञान विभागले आइतबारसम्मै पानी पर्ने पूर्वानुमान गरेपछि धनगढी उपमहानगरपालिकाले वडामा माइकिङ थालेको छ। नगर प्रहरीले वडा वडामा पुगेर पानी पर्ने भएकोले धान नकाट्न माइकिङ गरेका हुन् ।

धनगढी उपमहानगरका मेयर गोपाल हमालले धानबाली नकाट्न र काटिसकेको भए तत्काल भित्र्याइहाल्न आग्रह गर्दै वडा वडामा माइकिङ भइरहेको जानकारी दिए ।

जल तथा मौसम विज्ञान विभागले गत असोज ७ गते साँझ विशेष बुलेटिन निकालेर शनिबारसम्म मनसुन सक्रिय रहने जानकारी दिएको थियो। त्यसपछि उपमहानगर सक्रिय हुँदै धानबाली नकाट्न सूचित गरेको हो।