मापासे गरेर रात्रीबसमा चढेका डिआईजी चन्दलाई प्रहरीले गर्यो उद्धार

काठमाडौं । मापसे गरेर सार्वजनिक बसमार्फत काठमाडौं हिँडेका कर्णालीका डिआईजी अर्जुन चन्दलाई प्रहरीले बीच बाटोबाटै फर्काइदिएको खुलेको छ । डिआइजी चन्द मंगलबार साँझ सार्वजनिक बस चढेर काठमाडौं जाँदै थिए ।

उनलाई प्रहरीले सुब्बाकुनाबाट उद्धार गरेको हो । डिआइजी चन्दले मंगलबार बिहानैदेखि मादक पदार्थ सेवन गरेको बुझिएको छ । बेलुका गार्डलाई पनि थाहा नदिई उनी रात्रिबस चढेका थिए ।

डिआइजी सम्पर्कविहीन भएपछि प्रदेश प्रहरी कार्यालय, जिल्ला प्रहरी कार्यालय, सशस्त्र प्रहरी गणबाट खोजीका लागि प्रहरी टोली परिचालन गरिएको थियो । खोज्दै जाँदा उनी देउती नागरिक यातायातको रात्रिबसमा चढेर सुब्बाकुना पुगेपछि फेला परेका थिए । यसअघि पनि मादक पदार्थ सेवन गरेको बेला उनी आफ्ना सामान झोलामा हालेर सुर्खेतबाट हिँडेका थिए ।