Techie IT
Tuesday, July 15, 2025 | मंगलबार, असार ३१, २०८२
२०८२ असार ३१, मंगलबार
swarnapatra logo
गृहपृष्ठमुख्यपत्रकोही रविभक्त, कोही रविविरोधी ? कसले सोच्ने सहकारीपीडितको पक्षबाट ?

कोही रविभक्त, कोही रविविरोधी ? कसले सोच्ने सहकारीपीडितको पक्षबाट ?

सरकारी मिलेमतोमै जिबीलाई मलेसिया भगाएको खुलासा


काठमाडौं । सहकारी छानबिन समितिले सरकारलाई प्रतिवेदन बुझाएसँगै नेपाली राजनीतिक वृत्तमा नयाँ तरंग उत्पन्न भएको छ । प्रतिवेदन एउटै भए पनि त्यसलाई बुझ्ने र व्यख्या गर्ने अनेक तर्क एवम् कुतर्कका कारण आमनागरिक अन्योलमा परेका छन् ।

सहकारी घोटलाको आरोप लागेका रास्वपा सभापति रवि लामिछाने र उनका भक्तहरुले समितिको प्रतिवेदन आफूअनुकुल आएको भन्दै हर्षबढाइँ गरिरहेका छन् । कारबाही सिफारिस गरिएको तथ्यलाई बङ्याएर रास्वपाले आफ्ना अनुयायीहरुलाई भनेको छ– ‘सहकारीबाट ऋण ल्याउनेमा रवि दाइको हात देखिएन, गोर्खा मिडियाको चेक काट्दैमा रवि दाइ दोषी हुनुहुन्न । उहाँले क्लिन चिट पाउनुभयो ।’

यता रविविरोधीहरुले समितिको प्रतिवेदनलाई पूरै अर्को कोणबाट देखेका छन् । उनीहरुको नजरमा समितिले रविलाई दोषी प्रमाणित गरिसक्यो, अब जेल हाल्न मात्रै बाँकी हो । यसरी नागरिकको दिमाग नै खल्बलिने गरी रविको पक्ष र विपक्षमा अनेक तर्क भए पनि सहकारी पीडितको बारेमा कसैले चासो दिएको छैन । पीडितले न्याय पाउने कुरामा पनि कसैलाई मतलब छैन ।

किनकि, यहाँ कि रविभक्त छन् कि रविविरोधी । बिच्चमा रहेर हेर्ने हो भने समितिले रविलाई दोषी प्रमाणित गरेको छ । किनकि, सहकारीबाट रकम ल्याएको गोरखा मिडियामा लामिछानेको सेयर छ । र, उनले त्यहीं रकममा राइँदाइँ गरेका छन् । अझ प्रष्ट छ कि, सहकारीको रकम लगानी गरेको टिभी डुबाएर लामिछाने राजनीतिमा आएका हुन् । यसमा धेरै सोच्नपर्ने वा बुझ्नपर्ने कुरै छैन । त्यसैले त नेकपा एमालेका नेता गोकुल बास्कोटाले चितवनमा फेरि उपचुनावको खतरा देखेका छन् ।

चितवन क्षेत्र नम्बर २ बाट निर्वाचित सांसद लामिछाने ठग प्रमाणित भएपछि फेरि चुनाव हुनसक्ने उनको आँकलन हो । लामिछाने दुईपटक सोही क्षेत्रबाट निर्वाचित भएका हुन् । आम निर्वाचनमा जित हासिल गरेका लामिछानेको नागरिकता विवादका कारण सांसद पद खारेज भएको थियो । पाँच महिनापछि भएको उपनिर्वाचनमा लामिछाने पपुलर मतसहित पुनः विजयी भएका थिए ।

समितिको प्रतिवेदनको सिफारिसपछि कानुनविद्का वकिली तर्क र राजनीतिक सौदाबाजी नभए हिउँदमा नै उपनिर्वाचन हुनसक्ने बास्कोटाले बताएका छन् । यसैबीच सरकारी निकायको मिलेमतोमा नै सहकारी ठगीका आरोपित जिबि राईलाई मलेसिया भगाइएको खुलासा भएको छ ।

किनकि, रोक्का गरेको एक सातामै उनको पासपोर्ट फुकुवा भएको तथ्य फेला परेको छ । सरकारी निकायले नचाहने हो भने रोक्का भएको पासपोर्ट एक सातामै फुकुवा हुन सम्भवै छैन । राईको राहदानी गत वर्ष असार २० मा रोक्का गरिएको थियो । उक्त राहदानी फेरि असार २८ मा फुकुवा गरिएको भेटिएको छ ।

राईको राहदानी फुकुवा हुँदा गृहमन्त्री थिए, माओवादीका नारायणकाजी श्रेष्ठ । तर श्रेष्ठले यसबारे आफूलाई केही पनि थाहा नभएको बताएका छन् । त्यस्तै, राहदानी रोक्का र फुकुवाको पत्र लेख्दा सहकारी विभागको रजिस्ट्रारमा नमराज घिमिरे र अध्यागमन विभागको महानिर्देशकमा झलकराम अधिकारी थिए ।

राहदानी फुकुवा भएपछि राई २०८० साउन ११ मा साँझ मलेसिया गएका थिए । त्यसको एक महिनापछि अर्थात् २०८० भदौ १० को राति उनी नेपाल फर्किए । त्यसयता उनी हवाई यात्रामार्फत विदेश गएको विवरण अध्यागमनसँग छैन । हाल मलेसियामा रहेको भनिएका राई सडक मार्ग हुँदै भारत पसेको र त्यहाँबाट मलेसिया पुगेको अनुमान छ ।






तपाईंको प्रतिक्रिया दिनुहोस्


थप समाचार

अन्तरसंघर्षको नयाँ मोडमा एमाले !

समग्रमा उमेर प्राविधिक कुरा हो । बुर्जुवा कुतर्क हो । त्यसैले कार्यशैली र विचारलाई प्रधान ठानेर उमेरको बहसलाई किनारा लगाउनुनै

भाटभटेनीका साहुजीको प्रशंसा गर्दै प्रधानमन्त्री ओलीले भने– दान गर्ने क्षमता…

काठमाडौं । प्रधानमन्त्री केपी शर्मा ओलीले भाटभाटेनी सुपर मार्केटका साहु मीनबहादुर गुरुङको मुक्तकण्ठले प्रशंसा गरेका छन् । भाटभटेनीले त्रिवि शिक्षण

हस्ताक्षर संकलनको आवरणमा सोचेजति रकम संकलन नभएपछि रास्वपा तनावमा

काठमाडौं । हस्ताक्षरसँगै सोचेजति रकम संकलन नभएपछि रास्वपा तनावमा परेको छ । रास्वपाका अनुसार अहिलेसम्म १६ लाखजति हस्ताक्षर संकलन भएको

बालेन र हर्क पनि रास्वपामै मिसिन तयार

काठमाडौं । २०८४ सालको चुनावसम्ममा मेयरद्वय बालेन शाह र हर्क साम्पाङ पनि रास्वपामै मिसिनेगरी तयारी भइरहेको बुझिएको छ । रास्वपा

गृहमन्त्रीको निर्देशनपछि स्पेन पठाउने गिरोहमाथि हुने भयो छानबिन

गृहमन्त्री रमेश लेखकले प्रधानमन्त्री केपी शर्मा ओलीको स्पेन भ्रमणमा सरकारी प्रतिनिधी मण्डल बाहेक गएको भन्ने विषयमा निश्पक्ष छानविन गर्न निर्देशन

डिपी अर्यालको अर्को काण्ड पनि बाहिरियो

काठमाडौं । रास्वपा कार्यवाहक सभापति डिपी अर्यालको अर्को काण्ड बाहिरिएको छ । अर्यालले १२ वर्षअघि जापान बस्दा शर्तविपरीत रकम डिपोजिट

Techie IT