उपसभामुख रानालाई हटाउन दुईतिहाइ पुर्याउने कसरतमा कांग्रेस-एमाले

काठमाडौं । उपसभामुख इन्दिरा रानालाई महाअभियोग लगाएर हटाउनका लागि सत्ताघटक दल नेपाली कांग्रेस र नेकपा एमालेले व्यापक कसरत गरिरहेका छन् । उनीहरुले दुईतिहाइ मत सुनिश्चित गरेर मात्र उपसभामुख इन्दिरा रानालाई हटाउने प्रक्रिया अघि बढाउने गरी तयारी गरेका हुन् ।

प्रधानमन्त्री केपी शर्मा ओली र कांग्रेस सभापति शेरबहादुर देउवाले बुधबार नै उपसभामुखविरुद्ध ‘पदीय अनुकूलको आचरण नभएको’ प्रस्ताव दर्ता गर्ने तयारी अघि बढाएका थिए । तर दुई तिहाइ अनिश्चित र कांग्रेसमा आन्तरिक मतभेद देखिएपछि तत्कालका लागि उक्त प्रक्रिया रोकिएको हो ।

सत्तारूढ गठबन्धनमा कांग्रेस ८८, एमाले ७७, जसपा ७, लोसपा र नागरिक उन्मुक्ति ४–४ र स्वतन्त्र १ गरी १८१ मत पुग्छ । दुई तिहाइका लागि आवश्यक १८३ मतमध्ये २ मत अपुग हुन्छ । त्यसैले ओली र देउवा मधेश प्रदेश सरकारमा सहकार्य गरेको जनमत र सरकारलाई समर्थन जनाएको उपेन्द्र यादव नेतृत्वको जसपा नेपाललाई फकाउने कसरतमा छन् ।