सुर्खेत । जाजरकोटमा पहिरो खस्दा एकै परिवारका तीन जनाको मृत्यु भएको छ । नलगाड नगरपालिका–२ डाँडागाउँमा भूकम्प पीडितको अस्थायी टहरोमा पहिरो खस्दा एकै परिवारका तीन जनाको मृत्यु भएको हो ।
पहिरोमा पुरिएर नलगाड–२ का ४२ वर्षीय लालबहादुर परियार, उनकी श्रीमती ३५ वर्षीया मनिसा विक र उनीहरुका दुई वर्षीय छोरा शुभम परियारको मृत्यु भएको प्रहरीले जनाएको छ ।
प्रहरीका अनुसार स्थायी आवास नबनेकाले उनीहरु अस्थायी टहरोमा बस्दै आएका थिए ।
बझाङमा पनि पहिरोले पुरिएर एकै परिवारका चार जनाको मृत्यु
काठमाडौं । बझाङमा पहिरोमा पुरिएर एकै परिवारका ४ जनाको मृत्यु भएको छ । आइतबार राति आएको पहिरोमा परेर बुंगल नगरपालिका– १० को टुमेडाका एकै परिवारका ४ जनाको मृत्यु भएको हो ।
पहिरोमा परेर मृत्यु हुनेमा ५५ वर्षीय काली धामी, २५ वर्षीय गोल्की धामी, ६ वर्षीया आकृति धामी र ३ वर्षीया लक्ष्मी धामी छन् ।
