यसपालि बिहान रक्षाबन्धन नगर्न पञ्चांग निर्णायक समितिको आग्रह

काठमाडौं । जनै पूर्णिमाको दिन बिहानै नहाइ–धुवाइगरी जनै फेर्ने र रक्षाबन्धन गर्ने प्रचलन छ । तर यसपालि भने नेपाल पञ्चांग निर्णायक समितिले बिहान जनै नफेर्न र डोरो पनि नबाँध्न आग्रह गरेको छ ।

समितिले एक विज्ञप्ति नै जारी गरेर दिउँसो १ बजेपछि मात्रै रक्षाबन्धन गर्न आग्रह गरेको हो । समितिका अध्यक्ष श्रीकृष्ण अधिकारी, कार्यकारी निर्देशक सूर्यप्रसाद ढुंगेल तथा धर्मशास्त्र प्रमुख प्रा. डा. देवमणि भट्टराईले संयुक्त विज्ञप्ति जारी गर्दै यस्तो आग्रह गरेका हुन् ।

भदौ ३ गते साढे १ बजेअघि भद्रा परेकोले रक्षाबन्धनलगायत जनै पूर्णिमासम्बन्धी कर्म गर्दा हानि हुने बताइएको विज्ञप्तिमा उल्लेख छ । रक्षाबन्धनमा श्रावणी सम्बन्ध काम गर्ने भएकाले शासन सत्तामा रहेकाहरुले १ः३१ कटाएर रक्षाबन्धन गर्न राम्रो हुने पनि समितिले जनाएको छ ।