सांसद सोवितालाई माफी माग्न चौतर्फी दबाब, के गर्लिन् उनी ?

काठमाडौं । राष्ट्रिय स्वतन्त्र पार्टीकी सांसद सोविता गौतम फेरि विवादमा तानिएकी छिन् । केही दिनअघि संसदमा बोल्दा ‘केटाहरुले जिस्क्याएको’ भनेर चर्चा बटुलेकी सांसद गौतम विवादमा तानिएकी हुन् ।

आफ्नो निर्वाचन क्षेत्रमा भइरहेको विकासबारे अध्ययन गर्न जाँदा गाँजासहित विभिन्न नसामा लठ्ठिएका केटाहरुले दुव्र्यवहार गरेको भन्दै उनले संसदमा कड्किएर आवाज उठाएकी थिइन् । उनले आफूमाथि दुव्र्यवहार गर्ने केटाहरुमाथि कारबाही हुनुपर्ने मागसमेत राखेकी थिइन् ।

संसदमै सांसद गौतमले आक्रोशित शैलीमा कारबाहीको माग गरेपछि धेरैलाई उक्त घटनाबारे चासो भयो । त्यसपछि सांसद गौतमलाई जिस्क्याएको भनिएको भिडिओ सार्वजकि भयो । भिडिओमा स्थानीय युवाहरुले सांसद गौतमलाई जिस्क्याएको देखिएन । बरु युवाहरुले प्रश्न सोध्दा सांसद गौतम स्वयम् अनावश्यकरुपमा आक्रोशित भएको देखियो । त्यसपछि उनी विवादमा तानिएकी छिन् ।

यससँगै केटाहरुले जिस्क्याएको भनेर नागरिकको सेन्टिमेन्ट क्याच गर्ने उनको तरिका फ्लप मात्रै मात्रै भएन, उनीमाथि प्रश्न उठ्यो– के रास्वपाका नेताहरुलाई प्रश्न गर्ने नपाइने हो ? विगतमा पुराना नेतालाई सरापेरै राजनीतिमा चम्किएका उनीहरु कुन मनोदशाबाट ग्रस्त छन् ?