काठमाडौं । सोमबार नेप्से परिसूचकमा उच्च अंकको वृद्धि भएको छ । आज शेयर बजार ४०.७६ अंकले बढेर २,७९६ को विन्दुमा कायम भएको छ । आज ६३ कम्पनीको शेयर मूल्य बढेको छ भने ७८ कम्पनीको शेयर मूल्य घटेको छ । एक कम्पनीको मात्रै शेयर मूल्य स्थिर छ ।
यसमध्ये आठ कम्पनीको शेयर मूल्य १० प्रतिशतले बढेको छ । रुरु जलविद्युत कम्पनी, सिइडिबी हाइड्रोपावर डेभलपमेन्ट, सगरमाथा जलविद्युत, कुथेली बुखरी हाइड्रो, माथिल्लो मैलुङ खोला, भगवती हाइड्रोपावर, भिजन लुम्बिनी ऊर्जा र मुक्तिनाथ कृषि कम्पनीको शेयर मूल्य १० प्रतिशतका दरले बढेको हो ।
यस्तै, आज ३२६ कम्पनीको ४ करोड ९७ लाख ७३ हजार कित्ता शेयर किनबेच हुँदा रु। २१ अर्ब ८६ करोड ४९ लाख माथिको शेयर कारोबार भएको छ । आजको बजारमा सबैभन्दा बढी शेयर कारोबार हिमालयन रि–इन्स्योरेन्स कम्पनीले गरेको छ । यस कम्पनीले आज एक अर्बमाथिको शेयर कारोबार गरेको छ ।
