खानेपानीको शुल्क बढेपछि धरानका स्थानीय आन्दोलित

काठमाडौं । खानेपानीको शुल्क बढेपछि धरान उपमहानगरका स्थानीय आन्दोलित भएका छन् । धरानमा खानेपानी जडान तथा महसुल बढाइएपछि १० वटा राजनीतिक दलसँगै स्थानीयले चरणबद्ध आन्दोलनको घोषणा हुन् ।

यसअघि साउन ११ गते धरानमा क्रियाशील दलहरुले खानेपानीको शुल्क र महसुल पुरानै कायम गर्न मागसहित धरान खानेपानी व्यवस्थापन बोर्डलाई ७२ घन्टे अल्टिमेटमसहित ज्ञापनपत्र दिएका थिए ।
अल्टिमेटम सकिँदासम्म महसुल वृद्धिको निर्णय फिर्ता नलिएको भन्दै दलहरूले आन्दोलन घोषणा गरेका हुन् । खानेपानी व्यवस्थापन बोर्डको अध्यक्ष मेयर हर्क साम्पाङ हुन् ।

बोर्ड सञ्चालनमा समस्या भएको भन्दै मेयर हर्क साम्पाङले खानेपानीको महसुलमा चर्को वृद्धि गरेका हुन् ।

धरानमा नयाँ धारा जडानमा ५ हजार रूपैयाँ वृद्धि गरिएको छ ।