स्कुलबस दुर्घटना अपडेट: आमा-छोराको मृत्यु, २८ घाइतेको उपचार हुँदै

पोखरा । पोखरामा भएको स्कुल बस दुर्घटनामा आमा–छोरा मृत्यु भएको छ ।

दुर्घटनामा परी घाइते भएकी विद्यालयको कार्यालय सहयोगी ३३ वर्षीया आरती विक र उनका छोरा प्रिन्स विकको मृत्यु भएको हो ।

सोमबार बिहान देवकोटा मेमोरियल ईङलिस बोर्डिङ स्कुलको ग १ क ६२१९ नम्बरको बस दुर्घटनामा परेको थियो ।

घाइते विद्यार्थीको गण्डकी मेडिकल कलेज र मणिपाल शिक्षण अस्पतालमा उपचार भइरहेको छ ।

बसमा विद्यार्थीसहित ३० जना सवार रहेको प्रहरीले जनाएको छ ।