६ किलो कोकिनसहित मलेसियन नागरिक पक्राउ

काठमाडौं । ६ किलो कोकिनसहित एक मलेसियन नागरिक पक्राउ परेकी छन् ।

जिल्ला प्रहरी परिसर काठमाडौंको विशेष टोली र प्रहरी वृत्ति लैनचौरको संयुक्त टोलीले आज ठमेलस्थित काठमाडौं सिटी होटलबाट ४७ वर्षीया मलेसियन महिला बाथुम भादिभालोलाई पक्राउ गरेको हो ।

‘पाँच वटा झोलामा फल्स बटम बनाएर ल्याएको अवस्थामा हामीले लागु औषध कोकिन बरामद गरेका हौं’, प्रहरीको भनाइ छ । बरामद कोकिनको अवैध बजार मूल्य २० करोड ३७ लाख जति हुन्छ ।