रञ्जु दर्शनाले समानुपातिक बन्दसूचीबाट नाम फिर्ता लिईन्

काठमाडौं । राष्ट्रिय स्वतन्त्र पार्टी (रास्वपा) की केन्द्रीय सदस्य रञ्जु दर्शनाले समानुपातिक निर्वाचनको बन्दसूचीबाट आफ्नो नाम फिर्ता लिन निर्वाचन आयोगमा निवेदन दिएकी छन्।

पार्टीभित्र सम्पन्न प्राइमरी निर्वाचनमा सर्वाधिक मत प्राप्त गरे पनि समानुपातिक बन्दसूचीमा आफ्नो नाम पछाडि राखिएको भन्दै उनले असन्तुष्टि जनाउँदै आएकी थिइन्।

आफनो नाम पछाडी भएकै आधारमा उनले बन्दसूचीबाट नाम फिर्ता लिन औपचारिक निवेदन दिएको बताइएको छ । रास्वपाको आन्तरिक लोकतान्त्रिक अभ्यास र उम्मेदवार छनोट प्रक्रियाबारे यस घटनाले थप बहस सिर्जना गरेको छ ।

पार्टीभित्र प्राइमरीमार्फत मत पाएका उम्मेदवारहरूको मूल्याङ्कन र बन्दसूचीको क्रम निर्धारणका विषयमा स्पष्टता आवश्यक रहेको आवाजसमेत उठ्न थालेको छ । प्राइमरी निर्वाचन पछि रास्वपामा धेरै असन्तुस्टी बढेको छ ।