समानुपातिक सांसद बन्न अछामबाट नागरिकता लिदै ज्वाला संग्रौला

काठमाडौं । पिछडिएको क्षेत्रबाट समानुपातिक सांसद पक्का गर्न रास्वपाकी केन्द्रीय सदस्य ज्वाला संग्रौलाले अछाम जिल्लाबाट नागरिकताको प्रतिलिपि लिएकी छन् । पिछडिएको जिल्लाको प्रतिनिधित्व गर्दै उनी समानुपातिक सांसदको उम्मेदवार सूचीमा छिन् ।

अछामको मंगलसेन नगरपालिका–५ का हिमाल उपाध्यायसँग ज्वालाले १२ वर्षअघि विवाह गरेकी थिइन् । कामको सिलसिलामा जापान पुगेकी उनी उतैबाट अभियन्ताका रूपमा स्थापित भइन् ।

उनका श्रीमान् हिमाल भने नेपालमै थिए । पूर्वी नेपालको पाँचथरमा जन्मिएर झापामा हुर्किएकी ज्वालाले आफूलाई पिछडिएको कोटामा पार्न अछामबाट नागरिकताको प्रतिलिपि लिएपछि उनीमाथि प्रश्न उठेको छ– अछामको भूगोलसम्म नबुझेको व्यक्तिले कसरी पिछडिएको क्षेत्रको प्रतिनिधित्व गर्न सक्छ रु ज्वालाका कान्छा ससुरा शिवप्रसाद उपाध्याय नेकपा (एमाले) अछाम जिल्ला अध्यक्ष हुन् ।

त्यस्तै, उनका जेठा ससुराकी बुहारी अर्थात् ज्वालाकी जेठानी सरिता उपाध्याय एमालेबाट मंगलसेन नगरपालिकाको पूर्व उपप्रमुख भइसकेकी छन् ।