पहिला चुनाव जितेको गोरखा २ बाट उम्मेदवार सिफारिसमा परेनन् प्रचण्ड

काठमाडौं । नेपाली कम्युनिस्ट पार्टीका संयोजक पुष्पकमल दाहाल ‘प्रचण्ड’ पहिला चुनाव जितेको गोरखा– २ बाट उम्मेदवार सिफारिसमा परेका छैनन् । नेकपाका अनुसार यसपालि गोरखा २ बाट नारायणकाजी श्रेष्ठ, हितराज पाण्डे, लेखनाथ न्यौपाने, सानुमाया बस्नेत र अनिश अर्यालको नाम सिफारिस गरिएको छ ।

प्रचण्ड यसपालि भने गोरखा १ बाट सिफारिसमा परेका छन् । गोरखा १ बाट पनि उनको नाम एकल सिफारिसमा परेको छैन । गोरखा १ बाट प्रचण्ड, हरिराज अधिकारी, जगन्नाथ खनाल, शोभा लामिछाने र सागर श्रेष्ठको नाम सिफारिसमा परेको हो ।

अहिलेसम्म प्रचण्ड कहाँबाट चुनाव लड्ने भन्ने यकिन भइसकेको छैन ।