सिन्धुलीमा आगो लगाएर युवतीको हत्या

काठमाडौँ । सिन्धुलीको कमलामाई नगरपालिका–४ स्थित धुराबजारमा आगो लगाएर एकजना युवतीको हत्या भएको छ । पुस ६ मा साँझ आगो लगाएर ३२ वर्षीया सुशीला बम्जनको हत्या भएको हो ।

पेट्रोल छर्केर आगो लगाएर उनको हत्या गरेको अनुसन्धानबाट खुलेको प्रहरीले जनाएको छ । हत्यामा संलग्न आरोपमा मृतककी नन्द ३५ वर्षीया मिना लामा बम्जन र ५९ वर्षीया सासु मायारानी बम्जनलाई प्रहरीले पक्राउ गरेको छ ।

मृतककी नन्द मिनाले आगो लगाएको प्रारम्भिक अनुसन्धानबाट खुलेको छ । आगजनी हुँदा मृतकका ससुरा दुर्गामान बम्जन घाइते भएका छन् । उनलाई उपचारको लागी काठमाडौँ ल्याइएको छ ।