काठमाडौं । जेनजी प्रतिनिधि भनिने मिराज ढुंगाना नेतृत्वको समूहले सर्वपक्षीय सरकार गठनको माग गर्दै आन्दोलन घोषणा गरेको छ । आइतबार काठमाडौँमा पत्रकार सम्मेलन गरी ढुंगाना समूहले वर्तमान सरकारले जेनजी आन्दोलनप्रति धोका दिएको भन्दै सर्वपक्षीय सरकार गठनको मागसहित विरोधको कार्यक्रम घोषणा गरेको हो ।
ढुंगानाले सुशीला कार्की नेतृत्वको सरकारकोे १०० दिनको काम हेर्दा असफल भइसकेको दाबी गर्दै सोमबारदेखि नै आन्दोलन गर्ने बताए । सरकारको औचित्य सकिएको घोषणा गर्दै मिराजले प्रधानमन्त्री कार्कीमाथि १७ वटा गम्भीर आरोप लगाएकाछन् ।
उनले भदौमा भएको जेनजी आन्दोलन कुनै व्यक्तिको ब्रान्ड र नेताको सिँढी होईन् आन्दोलनमाथि टेकेर कोही अग्लो हुने प्रयास नगर्न समेत चेतावनी दिएकाछन् ।
सुशीला कार्की नेतृत्वको वर्तमान सरकारले आन्दोलनको मर्म नबोक्दैन र जेन्जीहरुको नेतृत्व गर्न नसक्ने भन्दै उनले अब सर्वपक्षीय सरकार गठन गर्नुपर्ने बताए । आजको आवश्यकता त्यस्तो राजनीतिक नेतृत्व हो, जसले सबै पक्षलाई विश्वासमा लिन सक्छ र देशलाई निकास दिन सक्छ ।
सर्वपक्षीय सरकार आजको आवश्यकता भएको उनको भनाई छ ।
