एमालेको मतदानमा मोबाइल लान बन्देज

काठमाडौं । नेकपा एमालेले नयाँ नेतृत्व चयनका लागि जारी मतदानको नतिजा आज बेलुका १० बजेभित्रै आइसक्ने आँकलन गरेको छ । राजधानीको भृकुटीमण्डपमा भइरहेको निर्वाचनमा ४१५ मत खसेको हो ।

यही रफ्तारमा मतदान भए १० बजे अगाडि नै नतिजा आउने छ । महत्त्वपूर्ण प्रस्तावहरूलाई पनि पारित गरेर महाधिवेशनलाई आजै औपचारिक रूपमा समापन गर्ने बताईएको छ ।

मतदानस्थलको लागि आजसम्मको समय नभएको र आजको लागि पनि विशेष अनुरोध गरेर मिलाएकाले आजै सक्नुपर्ने बाध्यता रहेको छ । मतदान एकदम सकारात्मक भएर अगाडि बढीरहेको छ । मतदान गर्दा चीट र मोबाइल लानको लागि निर्वाचन आयोगले बन्देज लगाएको छ ।

निर्वाचन सहजकर्ताका अनुसार सुरूसुरूको तुलनामा मतदान गर्ने रफ्तार बढेको बताएकाछन् । ३०१ सदस्यीय नेतृत्व चयनका लागि २२ सय ६३ मतदाता सहभागी छन् ।