बहुविवाह मुद्दामा डीएसपी मधु नेपाल पक्राउ, थप अनुसन्धान हुँदै

काठमाडौं । बहुविवाह मुद्दामा प्रहरी नायव उपरीक्षक मधु नेपाल पक्राउ परेका छन् । जिल्ला प्रहरी कार्यालय रुपन्देहीले नेपाललाई पक्राउ गरेको हो । उनी जिल्ला प्रहरी कार्यालय नवलपरासी पूर्वमा कार्यरत थिए ।

डीएसपी नेपालकी श्रीमतीको उजुरीको आधारमा अदालतबाट पक्राउ पुर्जी लिई नेपाललाई पक्राउ गरिएको हो । बहुविवाहको केस परेपछि उनी आफैँ हिजो साँझ कार्यालयमा उपस्थीत हुन आएका थिए ।

उनलाई पक्राउ गरेर म्याद थप गरिएको छ । नेपालमाथि ३ दिनको म्याद थप गरी आवश्यक अनुसन्धानका साथै प्रमाण बुझ्ने काम भइरहेको छ । उनको दोस्रो श्रीमतीको खोजी भइरहेको छ ।