प्रधानमन्त्रीलाई विश्वासको मत दिन सांसदलाई माओवादीको ह्वीप

काठमाडौं । नेकपा माओवादी केन्द्रले प्रधानमन्त्री पुष्पकमल दाहाल प्रचण्डलाई विश्वासको मत दिन ह्वीप जारी गरेको छ ।

बुधबार बसेको पार्टी संसदीय दलको बैठकले २८ गतेको संसद बैठकमा प्रधानमन्त्री पुष्पकमल दाहाल प्रचण्डलाई विश्वासको मत दिन ह्वीप जारी गरेको हो ।

प्रमुख सत्ता साझेदार नेकपा एमालेले समर्थन फिर्ता लिएकाले प्रधानमन्त्री प्रचण्डले विश्वासको मत लिन लागेका हुन् ।

बैठकमा प्रधानमन्त्री प्रचण्डले पछिल्लो राजनीतिक घटनाक्रमबारे ब्रिफिङ गरेका थिए । ब्रिफिङमा उनले ओलीले ढाँट छल गरेर समीकरण फेरेको बताएका छन् ।