नवनियुक्त स्वास्थ्यमन्त्री शर्मा पनि तानिइन् विवादमा, कांग्रेस महामन्त्री गगन थापाको कोटाबाट जेन जी सरकारमा सहभागी भएको आरोप

काठमाडौं । नवनियुक्त स्वास्थ्यमन्त्री सुधा शर्मालाई नेपाली कांग्रेसका महामन्त्री गगन थापाको कोटाबाट मन्त्री बनेको आरोप लागेको छ । विगतमा गिरिजाप्रसाद कोइरालासँग निकट रहेकी शर्मालाई अहिले गगन थापाले जेन जी सरकारको मन्त्रीका लागि सिफारिस गरेको आरोप लागेको हो ।

विधागत रूपमा स्त्री तथा प्रसूति रोग विशेषज्ञसमेत रहेकी शर्माले २०३९ सालदेखि सरकारी सेवामा प्रवेश गरेकी थिइन् । स्वास्थ्य सचिवको रूपमा शर्माले करिब साढे तीन वर्ष काम गरेकी थिइन् । तत्कालीन मन्त्री राजेन्द्र महतोसँग विमति भएपछि उनले राजीनामा दिएकी थिइन् ।