आन्तरिक विवाद चुलिएपछि एक साता पर धकेलियो रास्वपाको विस्तारित बैठक, कात्तिक २१ र २२ गते प्रस्ताव

काठमाडौं । आन्तरिक विवाद चुलिएपछि रास्वपाको विस्तारित बैठक एक साता पर धकेलिएको छ । कात्तिक १४ र १५ गतेका लागि तोकिएको बैठक २१ र २२ गतेसम्मका लागि स्थगित गरिएको हो । विस्तारित बैठकमा केन्द्रीय समिति, सल्लाहकार परिषद् र पार्टी विभागका पदाधिकारी तथा जिल्ला सभापतिलाई सहभागी गराउने रास्वपाले जनाएको छ ।

रास्वपाले आगामी फागुन ७,८ र ९ गते पहिलो महाधिवेशन गर्ने बताउँदै आएको छ । यद्यपि फागुनमै प्रतिनिधि सभा निर्वाचन हुने निश्चित भएमा महाधिवेशन समेत सार्ने रास्वपाको तयारी छ ।