सरकारभन्दा माथि सुदन, चौतर्फी आलोचना, बालेन पक्षधर डिफेन्समा

काठमाडौं । अहिले जेन जीको नेतृत्वकर्ता भनिएका सुदन गुरुङको इसारामा सुशीला कार्की नेतृत्वको सरकार चलिरहेको भन्ने आरोप छ । एउटा एनजिओ सञ्चालक गुरुङको सिंहदरबारसम्म हुनु त सामान्य जस्तै भएको छ । र, उनी कसलाई सरकारमा लैजाने, कसलाई नलैजाने, कसलाई कुन पदमा राख्ने हटाउने भूमिका पनि सक्रिय छन् ।

यतिसम्म कि उनले देशको संविधान नै राख्ने फाल्नेमा आफू कन्फ्यूज भएको अभिव्यक्ति समेत दिएका छन् । तर बिडम्बडा उनी सार्वजनिक फोरममा आफ्नो माग के हो भनेर समेत भन्न सक्दैनन् ।

सुदन गुरुङको यो पाराको अहिले चौतर्फी आलोचना भइरहेको छ । र, काडमाडौंका मेयर बालेन साहका समर्थकले भने सुदनको बँचाऊ गरिरहेका छन् ।