प्रधानमन्त्रीको लिखित आदेश ओली र लेखकलाई पक्रने लाइनमा प्रहरी

काठमाडौं । नेपाल प्रहरीले प्रधानमन्त्री सुशीला कार्कीको लिखित आदेश आए मात्रै तात्कालीन प्रधानमन्त्री केपी शर्मा ओली र गृहमन्त्री रमेश लेखकविरुद्ध जाहेरी लिनसकिने बटमलाइन सुनाएको छ ।

प्रहरी महानिरीक्षक (आईजीपी) चन्द्रकुवेर खापुङले जेन–जी आन्दोलनको घटनाबारे न्यायिक छानबिनका लागि बनाइएको जाँचबुझ आयोगले काम गरिरहेकाले प्रहरीले उजुरी लिनु भनेको मुठभेड निम्त्याउनु भएको कारण त्यसको सबै जिम्मा लिनेगरी प्रधानमन्त्रीबाट लिखित आदेश आए जाहेरी लिने बताएको बुझिएको छ ।

कार्की सरकारले सोमवार राति बालुवाटारमा प्रधानमन्त्रीसहित उच्च तहको बैठक राखेर तात्कालीन प्रधानमन्त्री ओली र गृहमन्त्री लेखकलाई पक्राउ गर्न मौखिक आदेश दिएको थियो । सुदन गुरुङवाला जेन जीले ओली र लेखकलाई पक्रन दबाब दिइरहेको छ ।