फेरि सुरु भयो काठमाडौं महानगरका प्रमुख प्रशासकीय हटाउने खेल, मेयर बालेनले नै लिए एक्सन

काठमाडौं । काठमाडौँ महानगरपालिकामा प्रमुख प्रशासकीय अधिकृत सरोज गुरागाईंलाई हटाउनका लागि फेरि खेल सुरु भएको छ । बुझिएअनुसार मेयर बालेन्द्र साहका सल्लाहकार सुनिल लम्सालको टोलीले मंगलरबार प्रमुख प्रशासकीय अधिकृत गुरागाईंलाई भेटेर राजीनामा दिनका लागि चेतावनीयुक्त आग्रह गरेका हुन् ।

मेयर बालेन्द्र र प्रशासकीय अधिकृत गुरागाईंबीच भ्यू टावर प्रकरणपछि टसल शुरु भएको हो । पुरानो बसपार्कमा बन्दै गरेको अत्याधुनिक तथा सुविधासम्पन्न भ्यू टावर निर्माणमा ठेकेदारसँग मिलेर बदमासी गरेको आरोप थोपरेर बालेन्द्रले गुरागाईंलाई निलम्बन गरेपछि विवाद थप चर्किएको थियो । महानगरले यसबारे छानविन समिति समेत बनाएको थियो ।