जिमेलबाट २५० करोड प्रयोगकर्ताको डाटा ह्याक भएको खबरको गुगलले गर्यो खण्डन

काठमाडौं । गुगलले जीमेलबाट २५० करोड प्रयोगकर्ताको डाटा ह्याक भएको खबरको खण्डन गरेको छ। गत हप्ता गुगलको इमेल सेवा जीमेलको सर्भरमा आक्रमण गरेर ह्याकरहरूले २५० करोडभन्दा बढी प्रयोगकर्ताको डाटा चोरी गरेको दाबी गरिएको थियो।

गुगलले यी दाबीलाई अस्वीकार गर्दै आफ्ना कुनै पनि प्रयोगकर्ताको डाटा चोरी नभएको बताएको छ। गुगलले डाटा चोरीको दाबीमाथि ब्लग पोस्ट लेख्दै जिमेलको सुरक्षा धेरै बलियो र प्रभावकारी रहेको बताएको छ।

गुगलले डाटा चोरी भएको सबै दाबीलाई अस्वीकार गरेको छ। यसका साथै गुगलले जिमेल खाताको सुरक्षाबारे प्रयोगकर्तालाई कुनै पनि अलर्ट जारी गरेको भनेको छ। गुगलले प्रयोगकर्ताको सुरक्षा र डेटा सधैँ प्राथमिकतामा रहेको बताएको छ।

गुगलले प्रयोगकर्ताहरूलाई सधैँ सुरक्षित पासवर्ड र पासकी प्रयोग गर्न भनेको छ।