रास्वपा उम्मेदवार डा. लेखजंग थापाले सार्वजनिक गरे पहिलो श्रीमतीसँग डिभोर्सको कागज

काठमाडौं । डा. लेखजंग थापाले परिस्थिति अनुसार दुई पटक विवाह गरेको र पहिलो श्रीमतीसँगको सम्बन्ध विच्छेद भएको खुलासा गरेका छन् । रास्वपाका रुपन्देही–३ उपनिर्वाचनका उम्मेदवार डा. थापाले पहिलो श्रीमतीसँग सम्बन्ध विच्छेद भएको आधिकारिक कागजात सार्वजनिक गरेका हुन् ।

बहुविवाहको आरोपपछि उनले अदालतको आदेश देखाउँदै २०७९ माघ १५ गते सम्बन्ध विच्छेद प्रक्रिया पूरा भएको स्पष्ट पारेका हुन् ।

थापाले सम्बन्ध विच्छेद भए पनि पहिलो श्रीमतीसँग सौहार्दपूर्ण सम्बन्ध रहेको र सन्तानको भविष्यका लागि साझा अभिभावकत्वमा प्रतिबद्ध रहेको बताएका छन् ।