ज्योति मगरको ज्योतिले हल्लियो धेरैको माथिंगल, शरीर अश्लील कि नजर ?

काठमाडौं । धेरैले गायिका ज्योति मगरलाई अंग प्रदर्शन गर्ने कलाकारका रुपमा चिन्छन् । तर, पछिल्लो समय एउटा उनले एउटा पडकास्टमा व्यक्त गरेको विचारले धेरैको माथिंगल हल्लिएको छ । उनले कसको प्रशंसा गरिन् वा कसको आलोचना गरिन् भन्ने कुरा बेग्लै हो । तर, उनले जसरी सुझबुझपूर्ण ढंगले आफ्नो विचार व्यक्त गरिन्, त्यसले धेरैको मन जितेको छ ।

रास्वपा र रवि लामिछानेप्रति केही आलोचनात्मक टिप्पणी गरेका कारण उनको आलोचना पनि भइरहेको छ । यसमा रविभक्तहरुले विरोध गर्नु स्वभाविकै हो । तर, महिलाको अंग र पहिरनलाई मुख्य विषय बनाएर रमाउने एक समूहलाई भने ज्योतिले दह्रो झापड हानेकी छिन् ।

खासमा पहिरन प्रविधिक कुरा हो र शरीरका कुनै पनि अंग श्लील र अश्लील हुँदैन, बरु मान्छेको दृष्ट्रिकोण सही वा गलत हुनसक्छ भन्ने कुरालाई ज्योतिले बुझाउने प्रयास गरेकी छिन् ।