उपसभामुख इन्दिरा रानालाई महाअभियोग लगाउन किन ढिला गरियो ?

काठमाडौं । मानव तस्करीको आरोप लागेकी उपसभामुख इन्दिरा रानालाई संसदबाट महाअभियोग लाग्ने भएको छ । पदीय गरिमा र मर्यादाको दुरुपयोग गरी उपसभामुख रानाले सरकारी लेटरहेडमा पाँचजना नेपाली युवालाई अमेरिकाको भिसा दिन सिफारिस गरेकी थिइन् । २०७९ सालमा नै उपसभामुख रानाले न्यूयोर्कमा हुने एक कार्यक्रममा अवैध ढंगले चार पुरुष र एक महिलालाई अमेरिका पठाउन खोजेकी थिइन् ।

त्यतिबेला पनि यो विषयले निकै चर्चा पाएको थियो । रास्वपाले सुरुमा यो विषय थाहा पाए पनि नपाए जस्तो गरेको थियो । पछि सर्वत्र चर्चा भएपछि घटना सामान्य भएको बताएको थियो ।

भिजिट भिसामा नेपाली विदेश जानुलाई तस्करी गरेको देख्ने रास्वपाले आफ्नै दलबाट उपसभामुख भएकी रानाले यसरी पदको दूरुपयोग गर्दा पनि मौनता साँधेको थियो । र, यतिन्जेल चुप लागेर बसेका कांग्रेस–एमालेले पनि किन यतिबेला आएर महाभियोग लगाउँदैछन् ? अर्थात् यतिन्जेल किन महाअभियोग लगाइएन भन्ने प्रश्न उठेको छ ।