प्रधानमन्त्री ओलीले भने– कसैले मेरो नाम भजाएर गलत काम गराउन खोजे झपारेर पठाउनुस्

काठमाडौं । प्रधानमन्त्री केपी शर्मा ओलीले कसैले आफ्नो नाम भजाएर गलत काम गराउन खोजे झपारेर पठाउन आग्रह गरेका छन् । राष्ट्रिय सतर्कता केन्द्रको २४ औँ स्थापना दिवसका अवसरमा आज सिंहदरबारमा आयोजित कार्यक्रममा प्रधानमन्त्री ओलीले संविधानको निर्देशक सिद्धान्तलाई ध्यानमा राखेर भ्रष्टाचार, अनियमितता र ढिलासुस्ती गर्दै नगरी जनतालाई सहज सेवा प्रवाहको सरकारको दायित्वमा कुनै कमजोरी हुन नहुने भन्दै यस्तो आग्रह गरेका हुन् ।

समृद्धि नेपाल, सुखी नेपालीको राष्ट्रिय आकांक्षा परिपूर्तिका लागि सुशासनको महाअभियान सञ्चालन गर्नुपर्नेमा उनले जोड दिएका छन् ।