पशुपतिमा अस्तुको पनि तस्करी, घाटे बाहुनदेखि पशुपति क्षेत्र विकास कोषसम्मको मिलमतो

काठमाडौं । हामीले अनेक खाले तस्करीबारे त सुनेकै हौं । तर पशुपति आर्यघाटबाट अस्तुको पनि तस्करी हुन्छ भनेको सुन्दा अचम्म लाग्न सक्छ । हो, हालसालै यस्तै एउटा घटना सार्वजनिक भएको छ ।

घटना यहीं साउन २३ गतेको हो । पशुपति आर्यघाटमा काभ्रेको राम शाहीको शव जलाउन लगिन्छ । र जलाइन्छ पनि । तर शव जलिनसक्दै घाटे बाहुनले शवबाट मासु मासु निकाल्छ र अर्कै एकजना मान्छेलाई दिन्छन् । जुन दृश्यलाई मृतकका भतिजले नियालिरहेका रहेछन् ।

त्यसपछि थाहा भयो कि, पाँच सय रुपैयाँमा ती घाटेले अस्तु बेचेका रहेछन् । तर उनले कसलाई, किन अस्तु बेचे भन्ने खुलेको छैन । तर उनको अस्तु व्यापारमा पशुपति क्षेत्र विकास कोषको समेत संलग्नता रहेको शंका गरिएको छ । र, उक्त मासु अघोरी बाबाको भोजनका लागि लगिएको पनि अनुमान गरिएको छ ।