रवि लामिछाने थुनामुक्त हुने सम्भावना बढ्यो, यस्तो छ कानूनी व्यवस्था

काठमाडौं । रुपन्देही जिल्ला अदालतमा निवेदन दिएर सम्भावित धरौटी रकम समेत डिपोजिट गरेपछि रास्वपा सभापति रवि लामिछाने थुनामुक्त हुने सम्भावना बढेको छ । २०७५ भदौ १ बाट लागु भएको पछिल्लो फौजदारी कार्यविधि संहिताका अनुसार रवि लामिछाने थुनामुक्त हुने सम्भावनालाई बढाएको हो ।

उक्त कार्यविधिले पुर्पक्षका लागि थुनामा रहेका व्यक्तिलाई बिगोबराबरको धरौटी जम्मा गरेपछि तारेखमा छोड्ने सुविधा दिएको छ । र, मुलुकी अपराध कार्यविधि संहिताको दफा ६८ मा गम्भीर प्रकृतिका कसुरमा संलग्न भएका बाहेकका अभियुक्तलाई अभियोग प्रमाणित हुने अवस्थामा पनि अदालतले धरौटी लिएर तारेखमा छोड्न सक्ने सुविधा दिएको छ ।

यसअर्थमा रवि लामिछाने थुनामुक्त हुने सम्भावना बढेको हो ।