ईन्द्र बानियाँ नेतृत्वको बागमती सरकारमा एमालेबाट ६ मन्त्री सहभागी, किरण थापा दोहोरिए

काठमाडौं । बागमती प्रदेशमा इन्द्रबहादुर बानियाँ नेतृत्वको नयाँ मन्त्रीमण्डल गठन भएको छ । बानियाँ नेतृत्वको मन्त्रीमण्डलमा एमालेबाट ६ जना मन्त्री सहभागी भएका छन् ।

एमालेबाट मन्त्री हुनेहरुमा किरण थापा पुरानै दोहोरिएका छन् भने पाँचजनाले मन्त्रीमा डुब्यु गरेका छन् ।

एमालेका अनुसार जयराम थापालाई श्रम, रोजगार तथा यातायात मन्त्री, भरतबहादुर केसीलाई वन तथा वातावरण मन्त्री, मधुसूदन पौडेललाई कृषि तथा पशुपन्छी विकास मन्त्री, डा. दिनेशचन्द्र देवकोटालाई भौतिक पूर्वाधार विकास मन्त्री र बिन्दु श्रेष्ठलाई उद्योग, वाणिज्य, भूमि तथा प्रशासन मन्त्री बनाइएको हो ।