मेलम्ची नगरपालिकाले हलगोरु पाल्ने किसानलाई दियो पाँच हजार प्रोत्साहन भत्ता

सिन्धुपाल्चोक । सिन्धुपाल्चोकको मेलम्ची नगरपालिकाले हल गोरु पाल्ने किसानलाई प्रोत्साहन रकम उपलब्ध गराएको छ । पछिल्लो समय गाउँमा गोरु पाल्ने हराउँदै जान थालेपछि किसानलाई प्रोत्साहन स्वरुप रकम उपलब्ध गराएको हो ।

हल गोरु पाल्ने २४० कृषकलाई प्रोत्साहन रकम उपलब्ध गराएको हो । प्रति हलगोरु पाल्ने किसानलाई ५ हजार रुपैयाँका दरले कृषकलाई प्रोत्साहन रकम उपलब्ध गराएको नगर प्रमुख आइतमान तामाङले जानकारी दिए ।