प्रत्येक सांसदलाई २१ करोडका योजना दिने तयारीमा सरकार, सांसद मख्ख

काठमाडौं । आगामी आर्थिक वर्ष २०८२–८३ को बजेटका लागि तयारी गरिरहेको सरकारले हरेक सांसदलाई २१ करोड रुपैयाँका योजना दिन योजना संकलन गरेको छ ।

यसअघि सर्वोच्च अदालतले ‘संसदीय क्षेत्र पूर्वाधार विकास कार्यक्रम’ रोकेको भए पनि आगामी वर्षको बजेटमा सांसदको सिफारिसका आधारमा ‘सन्तुलित पूर्वाधार विकास कार्यक्रम’मार्फत बजेट विनियोजन गर्ने तयारी भइरहेको छ ।

मुलुकका एक सय ६५ निर्वाचित क्षेत्रमा सन्तुलित रूपमा बजेट पुर्याउन भन्दै प्रतिनिधिसभामा सहभागी दलहरूले आफ्नो संसदीय दलमार्फत सांसदसँग योजनाको सूची संकलन गरेका छन् ।

संसदीय दलमार्फत प्रत्यक्ष निर्वाचित हरेक सांसदलाई २१ करोड रुपैयाँका योजना बुझाउन दिइएको निर्देशनअनुसार सूची बनेको छ ।