थाइल्यान्डमा मोदी भेट्दै ओली

काठमाडौं । बिम्स्टेकको छैटौं शिखर सम्मेलनमा भाग लिन थाइल्यान्डको बैंकक गएका प्रधानमन्त्री केपी शर्मा ओलीले भारतीय प्रधानमन्त्र नरेन्द्र मोदीसँग भेटवार्ता गर्ने भएका छन् ।

शिखर सम्मेलनका दौरानमा दुई मुलुकका प्रधानमन्त्रीबीच शुक्रबार साइडलाइन वार्ता हुने जनाइएको छ । यसैक्रममा प्रधानमन्त्री ओली र थाइल्यान्डकी प्रधानमन्त्री पे थोङ् थान् शिनावात्राबीच बुधबार औपचारिक भेटवार्ता सम्पन्न भएको छ ।

भेटवार्तामा दुई देशका सरकार तथा निजी क्षेत्रबीच विभिन्न सम्झौता एवम् समझदारीपत्रमा हस्ताक्षर भएको छ ।