राजावादीको आन्दोलनमा लफडानै लफडा

काठमाडौं । राजावादीहरूले राजसंस्था फर्काउन ‘संयुक्त जनआन्दोलन’को घोषणा गर्दै नवराज सुवेदीलाई कमाण्डर तोकेपछि अहिले राजनीति निकै गर्माएको छ ।

इतिहासमा सक्रिय तर वर्तमानमा गुमनाम बन्न पुगिसकेका र समकालीन राजनीतिमा बिर्सिइसकेका ८६ वर्षका वयोवृद्ध पञ्चलाई अघि सारेपछि राष्ट्रिय प्रजातन्त्र पार्टीका अध्यक्ष राजेन्द्र लिङ्देन र राप्रपा नेपालका अध्यक्ष कमल थापाहरू रिसाएका छन् ।

सुवेदीलाई कमान्डर तोकेर बनाइएको निर्देशक समितिमा लिङ्देन र थापाले त बस्न अस्वीकार नै गरिसकेका छन् । सल्लाहकार तोकिएका सदस्यहरू पनि ‘जानकारी नै बिना राखिएको’ भन्दै समितिमा रहन इन्कार गरिरहेका छन् । यसबीच एउटा तथ्य बाहिरिएको छ कि, सुवेदी कुनैबेला पूर्वराजा ज्ञानेन्द्र शाहका विरोधी थिए । उनले आफ्नै आत्मवृत्तान्तमा समेत पूर्वराजाको विपक्षमा अभिव्यक्ति दिएका छन् ।