काठमाडौं । ६ महिनादेखि प्रतिपक्षमा खुम्चनु परेपछि माओवादी अध्यक्ष पुष्पकमल दाहाल प्रचण्ड अहिलेको सरकार जसरी पनि ढाल्ने खेलमा लागेका छन् ।
भारतको आडमा अहिलेको सरकार ढाल्न उनले अनेक चलखेल गरिरहेका छन् । जसका लागि उनले राष्ट्रिय दलसमेत बन्न नसकेको एकीकृत समाजवादी, सदाबर मन्त्री बन्दै आएका उपेन्द्र यादव नेतृत्वको जसपा नेपाल र पहिलो चुनावमै चौथो शक्ति बनेको राष्ट्रिय स्वतन्त्र पार्टीलाई साथमा लिले प्रयास गरिरहेका छन् ।
उनले विपक्षी दलको मोर्चा बनाउने कसरत पनि सुरु गरेका छन् । जसअनुसार माओवादी केन्द्र, रास्वपा, राप्रपा, नेकपा एस, नेसपा र राजमो एक ठाउँमा उभिएका छन् । प्रचण्डले सरकार ढाल्न चाहे पनि उनको पक्षमा बहुमत भने पुग्दैन । अहिले विपक्षी मोर्चामा ८० सांसद एकठाउँमा देखिएका छन् ।
माओवादीसँग ३२, रास्वपासँग २१, राप्रपासँग १४, एकीकृत समाजवादीसँग १० र अरु तीन दलसँग एक, एक सांसद छन् । लोसपा, जनमत र नाउपा हालसम्म विपक्षी गठबन्धनमा मिसिएका छैनन् । सरकार बनाउन १३८ सिट चाहिन्छ ।
