चितवनको चर्चमा मृत भेटिइन् मकवानपुरकी छिरिङ

काठमाडौं । मकवानपुरकी एक महिला चितवनको चर्चमा मृत भेटिएकी छिन् । चितवनको राप्ती नगरपालिका वडा नम्बर २ गड्यौलीमा रहेको गड्यौली चर्चमा बस्दै आएकी महिला मृत भेटिएको प्रहरीले जनाएको छ ।

मृतक महिला मकवानपुर जिल्लाको कैलाश गाउँपालिका–१० की ४४ वर्षीया छिरिङ स्याङ्तान रहेको प्रहरीको भनाइ छ । ओछ्यानमा बेहोस अवस्थामा छोराछोरीले देखेपछि उनलाई उपचारका लागि भरतपुर अस्पताल लगिएको थियो ।

साँझ साढे ५ बजे बेहोस अवस्थामा देखेपछि आफन्तले उनलाई अस्पताल लगेका हुन् । उनको उपचारको क्रममा मृत्यु भएको हो ।