अनलाइनबाट १३ लाख ठगिएपछि योगेशले गरे आत्महत्या

काठमाडौं । अनलाइनबाट ठगिएपछि एक युवकले आत्महत्या गरेको खुलेको छ । प्रहरीका अनुसार कञ्चनपुरको भिमदत्त नगरपालिका– ४ का २३ वर्षीय योगेश ठगुन्नाले बुधबार आत्महत्या गरेका हुन् ।

उनको शव आफ्नै कोठामा झुण्डिएको अवस्थामा फेला परेको थियो । योगेशको परिवारले खबर गरेलगत्तै घटनास्थल पुगेको प्रहरीले ठगुन्नाको साथबाट सुसाइड नोट फेला पारेको छ ।

त्यसमा उनले आफू अनलाइन ठगीको शिकार भएपछि आत्महत्याको बाटो रोजेको उल्लेख गरेका छन् । उक्त नोटका अनुसार अनलाइनबाट १३ लाखभन्दा बढी ठगिएपछि उनले आत्महत्या गरेका हुन् ।