बन्द भयो स्मार्ट लाइसेन्सको छपाइ

काठमाडौं । यातायात व्यवस्था विभागले अत्यावश्यक बाहेकका स्मार्ट लाइसेन्स छपाई बन्द गरेको छ । मेसिन र स्मार्ट कार्डको सफ्टवेयरमा समस्या देखाएर लाइसेन्स छपाइ बन्द गरेको हो ।

प्रदेश सरकार अन्तर्गतका यातायात व्यवस्था कार्यालहरुले छाप्नु पर्ने स्मार्ट लाइसेन्स सबै लाइसेन्स विभागले छाप्नु पर्दा विभाग माथी बढी भार परेको भन्दै विभागले अत्यावश्यक बाहेक लाइसेन्स छाप्न बन्द गरेको हो ।

सातै प्रदेशको स्मार्ट सवारी चालक अनुमतिपत्र छपाइ गर्दै आएको विभागले पुरानो मेसिनको कार्यक्षमतामा प्रश्न उठाउँदै अब संविधानवमोजिम प्रदेशले पाएको जिम्मेवारी आफै पूरा गर्नुपर्ने भन्दै नियमित लाइसेन्स छपाइ बन्द गरेको हो ।

सवारी चालक अनुमतिपत्र छपाइको जिम्मा संविधानले नै प्रदेश सरकारलाई दिएको छ । विभागसँग रहेको पुरानो र थोत्रो मेसिनले सातै प्रदेशको भार धान्न नसकिने यातायात व्यवस्था विभागले जनाएको छ ।