सिन्धुपाल्चोकको इन्द्रवती बन्यो देशकै दोस्रो उत्कृष्ट गाउँपालिका

काठमाडौं । सिन्धुपाल्चोकको इन्द्रावती गाउँपालिका देशकै उत्कृष्ट गाउँपालिकामध्ये दोस्रो स्थानमा पर्न सफल भएको छ ।

संघीय मामिला तथा सामान्य प्रशासन मन्त्रालयले गरेको ‘स्थानीय सरकार संस्थागत क्षमता स्वमूल्यांकन’मा इन्द्रावती गाउँपालिका दोस्रो हुन सफल भएको हो ।

मुलुक भरका ४६० गाउँपालिकामध्ये इन्द्रावती दोस्रो भएको हो भने ७५३ स्थानीय तहमध्ये उत्कृष्ट ५ मा पर्न सफल भएको छ ।

संघीय मामिला तथा सामान्य प्रशासन मन्त्रालयअनुसार संस्थागत क्षमता स्वमूल्यांकनमा धादिङको बेनीघाट रोराङ गाउँपालिका पहिलो भएको छ । त्यस्तै गुल्मीको रुरुक्षेत्र गाउँपालिका पनि दोस्रो नै भएको छ ।

नगरपालिकातर्फ धादिङको नीलकण्ठ प्रथम, रुपन्देहीको तिलोत्तमा दोस्रो र चितवनको रत्ननगर नगरपालिका तेस्रो भएको छ ।