अब दुर्गेशले असभ्य गीत नभन्ने

काठमाडौं । मोडल तथा गायक दुर्गेश थापाले अब असभ्य गीत नगाउने प्रतिबद्धता जनाएका छन् । सांगीतिक प्रस्तुतिका लागि अस्ट्रेलिया पुगेका उनले अब स्यावासी पाउने गीत मात्रै गाउने प्रतिबद्धता जनाएका हुन् ।

उनले भने, ‘अब म गाली खाने काम गर्दिनँ । थोरै गीत निकाल्छु, ताली खाने र स्याबासी पाउने मात्र निकाल्छु ।’ उनले अस्ट्रेलियामा पनि आफूले गाली र आलोचना पाइने गीत नगाउने बताए ।

अस्ट्रेलियाका विभिन्न सहरमा हुने तीनलक्षित कार्यक्रममा दुर्गेशले प्रस्तुति दिंदैछन् । आइतबार उनी सिड्नीको ग्र्यालभिल पार्कमा आयोजना हुने कार्यक्रममा प्रस्तुत हुँदैछन् ।