युट्युवबाट हट्यो प्रकाश दूतराजको विवादित गीत ‘करिम’

काठमाडौं । गायक प्रकाश दूतराजको ‘विवादित’ गीत ‘करिम’लाई युट्युवबाट हटाइएको छ । शान्तिश्री परियारसँगको सहकार्यमा बनेको उक्त गीतलाई गायक दूतराजले युट्युवबाट हटाएका हुन् ।

वादी समुदायको मर्यादा र गरिमामा आँच आउने भाष्य सिर्जना गर्न खोजिएको भन्दै गीतको आलोचना भएको थियो । वादी समुदायकै व्यक्तिले सामाजिक संजालबाट यसको विरोध गर्दै आएका थिए ।

उक्त म्युजिकल फिल्म शैलीको गीतमा प्रकाशले वादी समुदाय यौनकर्ममा लाग्नुपर्ने बाध्यता र पीडा दर्शाएका थिए । उनले यो गीत सत्य घटनामा आधारित रहेको बताएका थिए ।