काठमाडौं । ‘चलचित्र छक्का पञ्जा–५’ को एउटा निकै गीत विवादमा तानिएको छ । अहिले विवादमा तानिएको गीतको बोला हो, ‘बिहे भको छैन, कुमारी नि है म !’ भन्ने । गीतको बोलबाट नै प्रष्ट हुन्छ कि, यो गीत विवाद र चर्चाकै लागि चलचित्रमा राखिएको हो । गीतको भिडिओमा दीपकराज गिरी र अभिनेत्री वर्षा शिवाकोटीको अभिनय छ ।
चर्चा कमाएरै पैसा बटुल्न बानी परेका दीपकराज गिरी र दीपाश्री निरौलाले नियोजितरुपमै उक्त गीतलाई चलचित्रमा राखेको बुझ्न पनि गाह्रो छैन । यस गीतलाई लिएर लोकदोहोरी गायिका ज्योति मगरलेसमेत आपत्ति जनाएकी छिन् । सामाजिक सञ्जालमार्फत उनले उक्त गीतमाथि गम्भीर प्रश्नसमेत उठाएकी छिन् ।
उनले ‘बिस्ताराले पोल्यो’, ‘३ महिने सुइ लाउछे’ जस्ता गीतहरुले समाज भड्किलो बनायो भन्नेले यो गीतलाई कसरी लिएका होलान् ? भन्दै प्रश्न गरेकी हुन् ।
दीपाश्री निरौलाको निर्देशनमा तयार ‘छक्कापञ्जा ५’ मा दीपकराज र वर्षासहित केदार घिमिरेको अभिनय छ ।
