काठमाडौं । चलचित्र ‘ईश्वर’मार्फत नायिका अनु शाहको चलचित्रमा कमब्याक भएको छ । राजु गिरीको निर्देशनमा तयार भएको चलचित्र ‘ईश्वर’मा शाहले लिड रोल गरेकी हुन् ।
दिव्या कंगना फिल्मस्को ब्यानरमा निर्माण भएको चलचित्रलाई हरिबहादुर थापाले निर्माण गरेका हुन् ।
केही दिनअघि पोखरामा उक्त फिल्मको प्रिमियर गरिएको थियो ।
लक्ष्मी कुँवर थापाको प्रस्तुतिमा निर्माण भएको चलचित्रमा ध्रुव थापा, पृथ्वीराज प्रसाईं, अनु शाह, सुनिल थापा, सविन बास्तोला, माओत्से गुरुङ, शिशिर बाङ्देल, ध्रुव थापा, रविन्द्र झा, बुद्धि तामाङ, कृष्टि गुरुङ, गीता अधिकारीलगायतको अभिनय छ ।
यहीं चलचित्रबाट अभिनेत्री अनु शाहले ५ वर्षपछि अभिनयमा कमब्याक गरेकी हुन्। उनको पछिल्लो प्रदर्शनमा आएको चलचित्र ‘पसिना’ हो ।
