तीजगीत विवादित भएपछि गायिका शान्तिश्री परियारले मागिन् माफी

काठमाडौं । ‘विस्तराले पोल्यो’ बोलको तीजगीत विवादित भएपछि गायिका शान्तिश्री परियारले माफी मागेकी छिन् । आफ्नो गीतलाई लिएर व्यापक आलोचना र विरोध भएपछि गायिका परियारले दर्शक–श्रोतासँग माफी मागेकी हुन् ।

बुधबार एक वक्तव्य जारी गर्दै उनले आफ्नो गीतका कारण समाजमा असर परेको स्वीकार्दै माफी मागेकी हुन् । उनले आगामी दिनमा गीत गाउँदा शब्दलाई ख्याल गर्ने पनि बताएकी छिन् ।

साउन ११ मा युट्युबमा रिलिज भएको तीज गीत ‘बिस्ताराले पोल्यो’मा शान्तिश्री र हरि गिरी ‘विमर्शी’को स्वर छ । गिरीकै संगीत रहेको गीत अपाच्य रहेको भन्दै सामाजिक सञ्जालमा आलोचना भइरहेको छ ।