रुकुमपूर्वमा पहिरो : एक बालकको मृत्यु, तीनजना घाइते

काठमाडौं । रुकुमपूर्वमा पहिरोमा पुरिएर एक बालकको मृत्यु भएको छ । त्यस्तै पहिरोमा पुरिएर तीनजना घाइते भएको प्रहरीले जनाएको छ ।

प्रहरीका अनुसार सिस्ने गाउँपालिका–२ दल्लुगैरामा गएराति पहिरो जाँदा गोठमा सुतिरहेका वडा नं १ का कर्णबहादुर बुढाको परिवारका चारजनालाई बगाएको थियो । बगाएकामध्ये ११ वर्षीय सरगम बुढाको मृत्यु भएको हो ।

बालकका बुबा ४० वर्षीय बुढा, आमा ३८ वर्षीया गम्मा बुढा र बहिनी ९ वर्षीया तिलसरा बुढाको अवस्था भने गम्भीर छ ।