पोखरामा लौरो चिह्नबाट चुनाव लडेका गणेश पौडेल भन्छन्– बालेनले देशको हितविपरीत कुनै काम गर्नै सक्दैनन्, जबरजस्त उनको बदनाम गरियो

काठमाडौं । बालेन साहसँगै पोखरामा लौरो चुनाव चिह्न लिएर मेयर लडेका गणेश पौडेलले बालेन साहको प्रशंसा गरेका छन् । उनले बालेन साहबाट देशलाई धोका हुनै नसक्ने दाबी पनि गरेका छन् ।

अहिले जबरजस्त बालेन साहको बदनाम गर्न खोजिएको भन्दै उनले चिन्ता पनि व्यक्त गरेका छन् । उनले भनेका छन्, ‘बालेनलाई मैले स्वभाव, विचार, ज्ञान र चरित्रले नजिकबाट चिनेको छु । ऊ असल छोरा, बाबु, पति, मित्र र सच्चा नेपाली हो।

म उसले भ्रष्टाचार गर्छ, मातृभूमिलाई धोका दिन्छ वा विदेशीका लागि काम गर्छ भनेर कहिल्यै विश्वास गर्न सक्दिनँ।’